Teges Pupuh Ginada Miwah Pupuh Ginanti

Pupuh Ginada

Yen mangelah pipis patpat

Dadua sepel apang ilid

Adasa mangelah jinah

Lelima sepel di bungbung

Keto jua ja ingetang

Eda lali

Sai anggon gegendingan

Piteges :

-           inggih majeng ring ida dane sareng sami, yening madue pipis patpat, sapunapiang?

            Inggih durus…

-           boya ja tiyos pipis patpat punika, sepel dadua apang ilid

-           kenten masih yening madue jinah adasa, sapunapiang patutne?

            Inggih durus…

-           jinah adasa sane kabaos iwau punika, lelima sepel di bungbung.

-           kenten masih, mangda ida dane sareng sami setata eling. Eling teken raga, eling teken keuripan. Mangda wenten jinahe punika kangge benjang pungkur.

-           ida dane sareng sami, sampunang lali. Punika dados sesai anggon gegendingan mangda iraga setata eling nyepelang akidik-akidik yening madue jinah utawi pipis.

PUPUH GINANTI

Saking tuhu manah guru,        (8u)

Mituturin cening jani,              (8i)

Kawruhin luir senjata,             (8a)

Ne dadi prabotang sai,             (8i)

 Kanggen ngeruruh merta,          (8a)

Saenun ceninge urip,                (8i)

PITEGES PUPUH GINANTI

-           Inggih para semeton sareng sami mangda eling kapining catur guru…

-           Sane mangkin guru jagi pacang mituturin cerik-cerike makesami…

-           Cerik-cerike jagi pacang kabekelin senjata sane mawasta palajahan sane becik…

-           Palajahane ento anggo cening bekel sebilang wai, palajahane ento anggen senjata cening idup ring jagate puniki…

-           Tan je sios gunan senjatane punika, boya je tuah kanggen ngrereh merta miwah karya sane becik…

-          Palajahane ento anggo cening bekel disubane cening enu idup, duwaning di uripe mangkin cening mangda stata ngalaksanayang swadarma sane patut  kalaksanayang ring jagate puniki…