Pangenter baos Ulang Tahun Sekolah

Inggih titiang nunas uratian majeng ring ida dane sareng sami, riantukan acara perpisahan sekolah jagi kekawitin

Pinih rihin ngiring iraga sareng sami ngaturang ngastiti bakti majeng ring Ida Sang Hyang Widhi Wasa, sangkaning antuk pasuecan Ida iraga prasida mapupul iriki, tur ngemolihang kerahayuan lan kerahajengan. Malarapan antuk ngucarang pengastunkara.

 Om Swastyastu

·         Sane murdayang  titiang bapak kepala sekolah SMA Negeri 1 Busungbiu

·         Sane mustikayang titiang  Wakil kepala sekolah SMA Negeri 1 Busungbiu

·         Taler pare guru-guru lan Pegawe SMA Negeri 1 Busungbiu sane suksmayang titiang

·         Lan pare undangan sane sampun prasida rauh taler para siswa sane banget tresnain titiang.

Rumasa garjita pisan manah titiang riantukan mangkin ring rahina Soma tanggal masehi 5 Juni 2012 jagi kemargiang acara perpisahan sekolah sane  jagi kekawitin. Tetujon kawentenan acara puniki, inggih punika:

-          Pelepasan para siswa-siswi kelas XII SMA Negeri 1 Busungbiu

-          Mangda ngerumaketan rasa menyama keluara ageng SMA Negeri 1 Busungbiu

 Ngenenin indik dudonan acara inggih punika sekadi ring sor:

1.      Pemabah atur sane sampun memargi

2.      Penguacenan doa

3.      Nembangang tembang Indonesia Raya

4.      Sambrama  wacana saking Bapak kepala sekolah SMA Negeri 1 Busungbiu

5.      Sambrama wacana saking wakil kelas 3.

6.      Igel-igelan tari sekar jagat

7.      Karaoke  

8.      Nembangang tembang perpisahan

9.      Acara sane pinih untat inggih punika pemuput

·         Inggih sumangdenya nenten sami nelasang galah. Sane mangkin acara jagi kelanturang antuk pengwacenan doa, titiang nunas majeng ring ida dane mangda ngadeg ring ajebos. Majeng ring sang sane kajudi inggih durusang.

·         Ida dane sareng sami,titiang nunas sampunang dumun malinggih. Sane mangkin acara pacang kelanturang antuk nembangang tembang Indonesia Raya sareng sami. Majeng ring sang sane kajudi inggih durusang.

·         Majeng ring ida dane sareng sami, inggih durusang malinggih. Nglantur ring acara selanturnyane, inggih punika sambrama wacana olih Bapak Kepala Sekolah SMA Negeri 1 Busungbiu. Majeng ring Bapak Kepala Sekolah inggih durusang.

·         Iwau sambrama wacana saking bapak sekolah. Sane mangkin kelanturang sambrama wacana saking wakil kelas XII. Mejeng ring wakil kelas XII, inggih durusang.

·         Inggih sane mangkin kelanturang antuk acara hiburan. Hiburan igel-igelan tari sekar jagat.

·         Iwau hiburan igel-igelan, ngelantur hiburan karaoke tembang Bali sane majudul Taksu. Sane kajudi inggih durusang.

·         Acara hiburan sampun kemargiang. Acara selanturnyane nembangang tembang perpisahan sareng sami. Majeng ring ida dane sareng sami titiang nunas mangda ngadeg ring ajebos. Inggih durusang.

·         Inggih ida dane sareng sami durusang malinggih. Acara selanturnyane acara pinih untat inggih punika pamuput.

Inggih wantah asapunika dudonan acara sane prasida aturang titiang. Titiang aturang suksma, majeng ring ida dane sane sampun prasida rauh ring acara puniki.Yening wenten atur titiang sane nenten manut  ring kayun, titiang nunas geng rena sinampura. Maka panguntat puputang titiang antuk parama santih.

Om Santih, Santih, Santih Om.