Penjor Kelungan

PENJOR KELUNGAN RING DESA TISTA

Krama Desa Pakraman Tista, Desa Tista, Kabupaten Buleleng, Buda, 17 April 2013 ring rahina Buda Umanis Medangsia, ngewentenang karya agung mupuk pedagingan, ngenteg linggih, tawur balik sumpah taler ngusaba desa ring Pura Puseh- Bale Agung sane wenten ring desane punika. Karya puniki kawentenang 33 warsa sene ilu tur mangkin kewentenang malih. Runtutatan karya punika, krama desa Pakraman Tista medue tradisi unik inggih punika makarya penjor ring soang-soang pemedal nyane. Penjor punika kewastanin penjor kelungan.

Penjor Kelungan madue wangun sane maciri, merepat sane muncuk ipune marep ring kangin. payasannyane nenten lian teken penjor sane kangge ring rahina Galungan miwah Kuningan. kajangkepin antuk sarwa woh-wohan (pala bungkah, pala gantung) sane kagantungin ring  penjor.

Manut Mangku Puseh Tista Jro Mangku Gde Ngurah Wijanta, penjor kelungan inggih punika pinaka simbol sane kangge ciri Ida Batara Sesuhunan makasami tedun ring prahyangan miwah munggah ring Bale Agung. Kelungan artosnyane Sengker, Gelung sane kaanggen antuk upacara nangkluk merana. penjor kelungan punika kagenahang ring wates desa ritatkala tilem kenem tatujonnyane nyengker desa utawi nyengker merana. Nanging rikala kawentenan karya agung, penjor gelungan punika kakaryanin soang-soang umahnyane.

“Punika pinaka cihna Ida Batara Kabeh tedun ring Pura Bale Agung, miwah Ida Batara Hyang Guru ring soang-soang pemerajan tedun taler ngusaba,” punika raos Jro Mangku Gede Ngurah.

Tradisi puniki, manut raos Jro Mangku Gede Ngurah, sue sampun memargi. Tradisi puniki dados pinaka keturunan olih para panglingsir (tetua desa). Nanging, krama desa mewali ngewangun tradisi punika sesampune paum sareng PHDI taler sane wenten ring sastra agama.

Sesampune puncak karya, Ida Batara nyejer inggih punika limang dina. ring nyejer punika, wenten kesenian sane kapentasang. minakadi arja akah canging, lawak dadong rerod, miwah sane lianan.

Desa Pakraman tista kapalih dados petang banjar, akehnyane 360 KK. buka papat banjar punika, inggih punika Banjar Dalem, Banjar Gunung Merta, Banjar Puseh lan Banjar Dapdap putih. kramanyane akeh makarya ring tegal sane hasil utamanyane kopi, cengkeh lan kakao.

Daftar Pustaka:

 http://www.balisaja.com/2013/04/penjor-unik-dari-tista.html